Qaraǵandyda júrgizýshi áıeldi óltirýge oqtalǵan kúdikti ustaldy
QARAǴANDY. QazAqparat - Sot taksı júrgizýshisi bolyp istep júrgen áıeldi óltirýge oqtaldy degen kúdikpen 22 jastaǵy Qaraǵandy turǵynyn qamaýǵa alýǵa sanktsııa berdi, dep habarlaıdy «QazAqparat» HAA tilshisi.
«Tergeýshiniń ótinishi boıynsha sot kúdiktini eki aı merzimge qamaýǵa alýǵa sanktsııa berldi. Ol ýaqytsha ustaý abaqtysyna jetkizildi», - dep habarlady Qaraǵandy qalasynyń №1 Qazybek bı aýdandyq soty.
Er adam óz kinásin moıyndady. Oǵan QR QK 24-99 baby «Adam óltirýge oqtalý» boıynsha aıyp taǵyldy.
Eske sala ketsek, ótken jyly 18 qarashada Qaraǵandynyń Progress kóshesinde 63 jastaǵy taksı tizgindegen áıel avtokólikten qan-josa kúıinde tabyldy. Ol «Jedel járdemmen» jan saqtaý bólimine jetkizildi. Krımınaldy polıtsııa bóliminiń qyzmetkerleri úsh aıdan beri qylmyskerdi izdedi. Aqpan aıynyń ortasynda polıtseıler jedel-tergeý sharalar keshenin júrgizip jáne jetkilikti aıǵaqtar jınap, 22 jastaǵy kúdiktini ustady.
Ol óz isin tolyq moıyndady. ІІD baspasóz qyzmetiniń habarlaýynsha, aqy jóninde janjal týyndap, jigit júrgizýshi áıeldi pyshaqtap salǵan jáne qylmys ornynan izin sýytyp úlgergen.
