Qaraǵandyda júrginshiler jolaǵynda áıeldi manıpýlıator qaǵyp ketti
QARAǴANDY. QazAqparat - Manıpýlıator júrgizýshisi bamperdiń bıik bolýyna baılanysty júrginshiler jolaǵynda áıeldi baıqamaı soǵyp ketken, dep habarlaıdy «QazAqparat» HAA tilshisi.
Qaraǵandy oblystyq ishki ister departamenti baspasóz qyzmetiniń basshysy mindetin atqarýshy Batyrhan Smaılovtyń habarlaýynsha, manıpýlıator júrgizýshisi júrginshilerdi joldan ótkizip turǵan.
«Jolaqta manıpýlıator júrgizýshisi shynynda jol erejesin buzbastan, júrginshilerdi ótkizip turǵan. Alaıda ol mashınanyń janynda kele jatqan áıeldi baıqamaı qalǵan. Áıel kóz kórerlik aımaqta bolmaǵandyqtan, júrgizýshi ony baıqamaǵan. Ol barlyq jaıaý júrginshiler joldan ótti dep oılap, júrip ketken. Birdeńeniń ústinen ótkenin sezip, adamdardyń aıqaı-shýynan keıin toqtaǵan», - dep túsindirdi Batyrhan Smaılov.
Manıpýlıator júrgizýshisine qatysty QR QK 345-baby «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha qylmystyq is qozǵaldy.
