Qaraǵandyda jumyssyzdar úshin qysqa merzimdi oqytý uıymdastyryldy
QARAǴANDY. QazAqparat - Qaraǵandy oblystyq bilim berýdi damytý jónindegi qoǵamdastyq keńestiń tóraǵasy Maýlıda Joshına eńbek naryǵynda suranysqa ıe daǵdylar pen kásipterge qysqa merzimdi kásiptik oqytý týraly aıtty, dep habarlaıdy QazAqparat.
«Eńbek naryǵynda suranysqa ıe kásipter men daǵdylarǵa qysqa merzimdi kásiptik oqytýdy jasyna, bilimine nemese turǵylyqty jerine qaramastan barlyq jumyssyzdar paıdalana alady», - dedi ol.
Onyń aıtýynsha, qysqa merzimdi kásiptik oqytýdyń uzaqtyǵy biliktilik pen daǵdylardyń sıpattaryna baılanysty bir aıdan alty aıǵa deıin negizdelgen.
Qysqa merzimdi kásiptik oqytýǵa qatysatyndarǵa mynadaı kólemde materıaldyq kómek kórsetiledi:
1) oblysta ornalasqan bilim berý uıymdaryna eldi mekenderden kelip oqıtyn baǵdarlama qatysýshylary úshin 4 aılyq eseptik kórsetkish (AEK) kóleminde jolaqy (10100 teńge);
2) ómir súrýge aı saıyn 5 AEK kóleminde (12625 teńge).
3) 16759 teńge kóleminde shákirtaqy tólenedi.
Barlyq suraqtar boıynsha turǵylyqty mekenjaı boıynsha jumyspen qamtý ortalyqtaryna baılanysýǵa bolady.
