Qaraǵandyda JOO stýdentteri men oqytýshylary aǵylshyn tilin tegin oqıdy
QARAǴANDY. QazAqparat - Qaraǵandy medıtsına ýnıversıteti akademık Shahmardan Esenov atyndaǵy Ǵylymı-bilim berý qorymen (Shakhmardan Yessenov Foundation) yntymaqtastyq týraly memorandýmǵa qol qoıdy, dep habarlaıdy QazAqparat tilshisi.
Qyrkúıek aıynda JOO-da aǵylshyn tiliniń eki jyldyq baǵdarlamasy bastalady. Qor osy baǵdarlamaǵa qatysýǵa úmitkerler arasynda baıqaý ótkizgen bolatyn.
Nátıjesinde sarapshylar óńirlik joǵary oqý oryndarynan kelip túsken 16 ótinimdi qarastyrdy. Olardyń tórteýi aqtyq saıysqa shyǵyp, nátıjesinde Qaraǵandy medıtsına ýnıversıteti jeńimpaz atandy.
Qor dırektory Aıǵanym Málishevanyń aıtýynsha, JOO-ny jeńimpaz retinde tańdaýda oqý ordasynyń strategııasy, baǵdarlamalardy júzege asyrýǵa arnalǵan bazasy, oqý baǵdarlamasy yqpal etti.
Qyrkúıek aıynda baǵdarlamaǵa qatysýshylar irikteledi, al qazan aıynda tildi úıretýshiler oqytýdy bastaıdy.
Eki jyl ishinde granttar boıynsha ýnıversıtet stýdentteri, oqytýshylary, magıstranttary jáne doktoranttarynan quralǵan 160 adamdy oqytý josparlanýda.
