Qaraǵandyda joldy qardan tazalamaǵan mekemeniń basshylary jazalandy
QARAǴANDY. QazAqparat – Oblystaǵy birneshe kommýnaldyq mekemelerdiń basshylary joldy qardan ýaqtyly tazalamaǵany úshin ákimshilik jaýapkershilikke tartyldy, dep habarlaıdy QazAqparat tilshisi.
Jańa jyldyń alǵashqy kúnderi Qaraǵandy oblysy qar kóp jaýyp, mańyzdy avtojoldarda qozǵalystar ishinara shekteldi.
Osy kúnderi Qaraǵandy oblysynyń PD ákimshilik polıtsııa qyzmetkerleri jaýyn-shashyn túsken kezde oblystyń avtojoldardaǵy jaǵdaıǵa táýlik boıy monıtorıng júrgizdi, sondaı-aq jol-kommýnaldyq qyzmetteri men organdarynyń jumysyn úılestirý jumystaryn júzege asyrdy.
«Qabyldanǵan sharalarǵa qaramastan, keıbir avtojoldarda tártip saqshylary joldardy qar qursaýynan ýaqtyly tazalamaý faktilerin anyqtady. Kommýnaldyq qyzmetkerler muny arnaıy tehnıka sanynyń jetispeýshiligimen jáne aýa raıynyń qolaısyz jaǵdaılarymen túsindirdi. Osyǵan baılanysty, avtojoldardy ustaý erejeleriniń talaptaryn oryndamaǵany úshin, kólik quraldarynyń qaýipsiz jáne úzdiksiz qozǵalysyn qamtamasyz etpegen, kórsetilgen kezeńde Qaraǵandy oblysynyń PD ákimshilik polıtsııa qyzmetkerleri «Kazahavtodor» JShS QOF dırektorynyń m.a., «KazAvtoJol» UK AQ «Aqyly jol dırektsııasy» ýchaskesiniń bastyǵy, «Kazahavtodor» JShS DEÝ-46 bastyǵy jáne «Kazahavtodor» JShS DEÝ-42 bastyǵyn QR ÁQ Kodeksiniń 631-baby 1-tarmaǵy boıynsha ákimshilik jaýapkershilikke tartyldy» - delingen polıtsııa habarlamasynda.
