Qaraǵandyda jolaýshylar avtobýsy órtenip ketti
QARAǴANDY. QazAqparat - Qaraǵandynyń kólik aǵyny joǵary trassasynda jolaýshylar tasymaldaıtyn №014 marshrýttyq avtobýs otqa orandy, dep habarlaıdy «QazAqparat» HAA tilshisi.
Abyroı bolǵanda, adamdar zardap shekken joq. Kapot astynan tútin shyqqanyn kórgen júrgizýshi joldyń jıegine toqtap, jolaýshylardy túsirgen. Órt sóndirýshiler jetkenshe, jalyn qozǵaltqysh bóliginen salonǵa aýysyp úlgergen. Avtobýs tutas órtenip ketti.
Qaraǵandy ákimdigi jolaýshylar tasymaly bóliminiń meńgerýshisi Eskendir Qabıdollanyń málimdeýinshe, «PAZ» avtobýsy «Manas» JShS avtoparkine tıesili.
«Kólik quralynyń órtený sebepteri anyqtalyp jatyr», - dedi Eskendir Qabıdolla.
Qazir avtobýstyń tehnıkalyq baıqaýdan ótkendigi jáne reıske shyǵar aldynda avtobýstyń qandaı jaǵdaıda bolǵandyǵy tekserilýde.
