Qaraǵandyda jolaýshylar avtobýsy apatqa ushyrap, 1 adam kóz jumdy

QARAǴANDY. QazAqparat - Qaraǵandy qalasynda jeńil kólik pen marshrýttyq avtobýs soqtyǵysyp, saldarynan bir adam kóz jumdy, dep habarlaıdy QazAqparat tilshisi.

9 qarasha kúni Qaraǵandy qalasynyń Oktıabr aýdanynda 30 jastaǵy BMW avtokóliginiń júrgizýshisi «Setra» markaly qoǵamdyq kólikpen soqtyǵysqan. Aldyn ala boljam boıynsha jeńil kólik ıesi joldyń qarsy betine shyǵyp ketken.

«Jol kólik oqıǵasynan BMW avtokóliginiń júrgizýshisi oqıǵa orynynda kóz jumdy. Oqıǵa kezinde qoǵamdyq kólikte bolǵan jolaýshylardyń eshqaısysy jaraqat alǵan joq. Atalǵan fakti polıtsııada tirkeldi. Tıisti saraptamalar taǵaıyndalyp, tergeý amaldary júrgizilýde», - dedi PD baspasóz qyzmeti.