Qaraǵandyda jolaýshylar avtobýstary jańartylady
QARAǴANDY. QazAqparat - Bıylǵy jyly Qaraǵandy qalasynyń avtoparkteri 105 jańa avtobýs satyp aldy. Olardyń barlyǵynda edenderi tómen jáne arbaǵa yńǵaıly bolý úshin jabdyqtalǵan. Biraq jolaýshylar tasymaly máselesin sheshý úshin taǵy kenshiler shaharyna 865 avtobýsty jańartý qajet, dep habarlaıdy QazAqparat tilshisi.
Kóliktiń tozýy basty problemaly taqyryptardyń biri bolyp qalyp otyr. Búgin oblystyq máslıhat sessııasynda jolaýshylar kóliginiń jaǵdaıy men damý máseleleri aıtyldy.
«Búgingi basty mindetterdiń biri – tozǵan avtobýstardy jańasyna tolyqtaı aýystyrý. Bul jumysty aldaǵy eki-úsh jylda aıaqtaýymyz kerek. Budan basqa, qalalar men aýdandar ákimderi úshin basym mindet - turaqty aýdanishilik jáne kentaralyq kólik qatynasyn retke keltirý. Sondaı-aq taıaýdaǵy jyldary vokzaly joq iri eldi mekenderde olardyń qurylysyn bastaýdy josparlap otyrmyz», - dedi Jolaýshylar kóligi jáne avtomobıl joldary basqarmasynyń basshysy Áskerbek Haltonov.
Bıyl «Nurly Jol» baǵdarlamasy aıasynda Atasý jáne Aqtoǵaı kentterinde avtostantsııalar ashyldy. Aqsý-Aıýly jáne Jáırem kentterinde jolaýshylarǵa qyzmet kórsetý pýnktteri uıymdastyryldy.
Budan basqa, qazir oblys ortalyǵynda qoǵamdyq kólikte elektrondyq tólem júıesin engizý jumystary júrgizilýde. Keıin ol Temirtaý, Jezqazǵan, Balqash, Saran jáne Sátbaev qalalarynda engiziledi.
foto: ekaraganda.kz