Qaraǵandyda jolaýshyǵa toly avtobýs aýdaryldy
QARAǴANDY. QazAqparat – Qaraǵandy qalasynyń ortalyq kóshesinde jolaýshylar avtobýs aýdarylyp qaldy. Oqıǵa saldarynan 11 adam zardap shekti, dep habarlaıdy QazAqparat tilshisi
Búgin saǵat 16:15 shamasynda 34 jastaǵy júrgizýshi mingen «Honda» avtokóligi aldyn ala boljam boıynsha «Chetskaıa» kóshesinen «Buqar jyraý» kóshesine shyǵa beriste basty baǵytta kele jatqan «Shaýlın» marshrýttyq avtobýsymen soqtyǵysqan. Avtobýsty 32 jastaǵy júrgizýshi basqaryp kele jatqan.
«Jol kólik oqıǵasynyń saldarynan 11 adam ártúrli dene jaraqattarmen aýrýhanaǵa jetkizildi. Jol kólik oqıǵasy kezinde qoǵamdyq kólikte 30 adam bolǵan. Qazirgi ýaqytta atalǵan fakti boıynsha tıisti saraptamalar taǵaıyndalyp, tergeý amaldary júrgizilýde», - dedi oqıǵa ornynan oblystyq PD bastyǵynyń birinshi orynbasary Qurmanǵalı Ysmaǵulov.
