Qaraǵandyda jolaýshy tasymaldaýshylar avtoparkteri jańartylady
QARAǴANDY. QazAqparat – Qaraǵandyda avtobýstardyń ǵana emes, marshrýttyq kólikterdiń de jańartylýy qolǵa alyndy. Jeńis Qasymbektiń tapsyrmasy boıynsha tasymaldaýshylar úsh jyl aralyǵynda jańa qoǵamdyq kólikti satyp alý mindetin óz moınyna aldy, dep habarlaıdy QazAqparat tilshisi.
Avtopark basshylary kólik satyp alýdy «BRK «Lızıng» AQ tetikteri arqyly júzege asyrady. Jańa tehnıka jazdyń basynda jetkiziledi dep kútilýde. Barlyq avtobýstar Qazaqstan zaýyttarynda qurastyrylǵan bolady.
«Jumys barlyq tasymaldaýshylarmen júrgizildi. 2019 jyly 79 avtobýs satyp alyndy. Bıyl 200 avtobýsty qarastyramyz: 115 úlken syıymdylyqty jáne 85 kishi syıymdylyqty. Úshinshi avtopark - 70 avtobýs, besinshisi – 20, ekinshisi 15 avtobýs satyp alady. Qalǵandary basqa tasymaldaýshylarǵa tıesili», - dedi Qaraǵandy oblysynyń ákimi Nurlan Áýbákirov oblystyq ákimdikte ótken keńeste.
Taǵy 199 avtobýs 2021 jyly satyp alynady dep josparlanýda.
«Adamdar áleýmettik jelilerde sizderdiń marshrýttyq shaǵyn avtobýstaryńyzdan qara tútin shyǵyp jatqan beınelerdi salady. Moraldyq jáne fızıkalyq eskirgen kólikten tezirek arylý kerek. Sizder osy jyly avtoparkterińizdiń 50% aýystyrýǵa mindettisizder. Biz sizderge bul úshin barlyq jaǵdaıdy jasaımyz», - dedi Jeńis Qasymbek avtoparkterdiń basshylaryna.
Oblys ákimi sondaı-aq jolaýshylar kóliginiń biryńǵaı túrin saqtaýdy talap etti. Óńir basshysy avtobýstardyń bir tústi gammada satyp alynýyn baqylaýdy tapsyrdy.
