Qaraǵandyda jolaýshy qoǵamdyq kólik júrgizýshisine pyshaq ala júgirdi

QARAǴANDY. QazAqparat - 12 jeltoqsan kúni Qaraǵandydaǵy aıaldamalardyń birinde belgisiz bireý qoǵamdyq kólik júrgizýshisine pyshaq ala júgirip, kondýktordy balaǵattaǵan.

Bul týraly habar Qaraǵandy qalalyq polıtsııa basqarmasynyń Jedel basqarý ortalyǵyna tústi, dep habarlaıdy QazAqparat Qaraǵandy oblystyq Polıtsııa departamentiniń baspasóz qyzmetine silteme jasap.

Baspasóz qyzmetiniń málimetterine qaraǵanda, patrýldik polıtsııa polkiniń qyzmetkerleri osy iske qatysy bar degen kúdikpen 23 jastaǵy qala turǵynyn ustady.

Polıtsııa qyzmetkerleri kúdikti qoǵamdyq kólikte qoqys shashyp, osyǵan baılanysty kondýktordyń eskertpesine balaǵat sóz aıtyp, daý shyqqany belgili boldy.

«Atalǵan fakt boıynsha Qazaqstan Respýblıkasy Qylmystyq Kodeksiniń 293 baby 3tarmaǵyna sáıkes sotqa deıingi tergeý bastaldy»,-delingen habarlamada.