Qaraǵandyda jol jóndeý jumystaryn baqylaý kúsheıtiledi
QARAǴANDY. QazAqparat - Qaraǵandy oblysynda jol ınfraqurylymyn jaqsartý jalǵasýda. Bıyl aımaqta jol jóndeý jumystarynyń kólemi artty, dep habarlaıdy QazAqparat tilshisi.
Qaraǵandy óńirinde joldarda atqarylǵan jóndeý jumystary men paıdalanylatyn materıaldardyń sapasy muqııat qadaǵalanatyn bolady. Oblys ortalyǵynda tekserýshiler qataryna Jol aktıvteriniń sapasy ulttyq ortalyǵynyń mamandary qosylady.
«Biz «Jol aktıvteri sapasynyń ulttyq ortalyǵy« AMK-men shart jasasamyz. Baqylaý bes satyly bolady. Birinshi saty — zaýyttan shyǵatyn jol-qurylys materıaldaryn tekseretin zerthanalar», - dep habarlady Qaraǵandy qalasynyń ShQ, jolaýshylar kóligi jáne avtomobıl joldary bólimi basshysynyń orynbasary Rústem Qojaqapanov.
Onyń aıtýynsha, ortalyq ókilderi ár nysanda bolady.
Rústem Qojaqapanov, sondaı-aq, qalada 162 jol ýchaskesi kepildi qyzmet kórsetýde ekenin aıtty. Keıbir kepildik 3-4 jyldan keıin aıaqtalady. Osy merzim ishinde paıda bolǵan aqaýlardy merdigerlik uıymdar óz esebinen joıady.
Eń aýqymdy joba - K. Marks kóshesi - Magnıtogorskaıa kóshesi boıynsha joldy kúrdeli jóndeý bolyp tabylady.
