Qaraǵandyda jol jóndeý jumystary qashan aıaqtalady
QARAǴANDY. QazAqparat - Qaraǵandyda qazan aıynyń sońyna deıin qala ortalyǵynda, Ońtústik-Shyǵysta, Maıqudyq, Prıshahtınsk, Mıhaılovka jáne Fedorovka aýdandarynda 16 jol retke keltirilmek, dep habarlaıdy QazAqparat tilshisi.
Ortalyq pen Ońtústik-Shyǵysta tórt kóshe - Buqar-Jyraý, Chıjevskıı, Sársekov, Komıssarov dańǵyldary, Kúngeı yqsham aýdanyndaǵy ekinshi kóshe, Stepnoı 1, 2 jáne 3 yqsham aýdanyndaǵy joldar, Eski áýejaı yqsham aýdanyndaǵy kósheler jáne Úshtóbe kentindegi joldan Qýanyshbaev kóshesine shyǵatyn ýchaske jóndeledi.
Maıqudyqta úsh jol jóndeledi - Arhıtektýrnaıa, Kúzembaev kóshelerindegi joldar jáne 14 shaǵyn aýdandy áskerı bólimmen baılanystyratyn ýchaske.
Prıshahtınsk shaǵyn aýdanynda ortasha jóndeý jumystary Saran shossesinde jáne Ishımskaıa kóshesinde jasalady.
Mıhaılovkada Sadovodov, Fedorovkada Razrezovskıı jáne Depýtatskaıa kósheleri qalypqa keltiriledi.
Jóndeý jumystaryn osy jyly qazan aıynyń sońyna deıin aıaqtaý josparlanyp otyr.
Qaraǵandyda joldardy ortasha jóndeý qaı ýaqytta aıaqtalady
(aýa raıyna baılanysty merzimder ózgerýi múmkin)
10 maýsym - 14 yqshamaýdannan áskerı bólimge deıin (Kúzembaev kóshesi)
20 maýsym-Sadovodov k-si
30 maýsym - Kúzembev k-si (Maılın kóshesinen Oral kóshesindegi №1g úıge deıin)
10 shilde - Depýtatskaıa k-si
31 shilde - Kúngeı yqshamaýdandaǵy 2-shi kóshe, Ishımskaıa k-si (№11 OM deıin), Sársekov k-si, Chıjevskıı k-si, Komıssarov k-si (Buqar Jyraý dańǵylynan Ermekov kóshesine deıin)
31 tamyz - Razrezovskaıa k-si
30 Qyrkúıek - Stepnoı 1, 2 jáne 3 shaǵyn aýdandaryndaǵy oramaralyq joldar, Úshtóbe kentine barar joldan Qýanyshbaev kóshesine shyǵatyn jol bóligi, Saran tas joly (15 magıstraldan №3 úıge deıin), Arhıtektýrnaıa kóshesi (Magnıtogorskaıa kóshesinen 17 marshrýtqa deıin), Buqar Jyraý dańǵyly (jol ótpesinen Goncharnaıa kóshesine deıin).
31 qazan - Eski áýejaı yqshamaýdanyndaǵy jol
