Qaraǵandyda jol polıtsııasy kóliginiń mýlıajyn qıratyp ketti
NUR-SULTAN. QazAqparat – Qaraǵandy - Aıagóz - Buǵaz avtojolynda kólik apatyn úshin qoıylǵan polıtsııa avtomobıline uqsas pishindi buzaqylar qıratyp ketti, dep habarlaıdy QazAqparat «Qazaqavtojol» kompanııasyna silteme jasap.
«Bul patrýldik kólik pishinderi bir apta buryn «Qaraǵandy - Aıagóz – Buǵaz» avtojolynyń 55 jáne 85-shaqyrymdaryna ornatylǵan edi. Óıtkeni bul aralyqty qyrattar kóp jáne kólik qozǵalysy durys kórinbeýi qaýpi bar.
Atalǵan mýlıajdar jol-kólik apatynyń azaıýyna, adamdardy qaýipten qutqarýǵa septigi tıedi. Alaıda búgin olardy belgisiz bireýler qıratyp ketti», - dep habarlady «Qazaqavtojol» kompanııasy.
«Qazaqavtojol» respýblıkalyq mańyzy bar avtokólik joldaryndaǵy qozǵalys qaýipsizdigin uıymdastyrýǵa mindetti ekenin atap ótti.
Qolǵa alynǵan qaýipsizdik sharalary nátıjesinde jol-kólik apaty ótken jylmen salystyrǵanda 16%-ǵa tómendegen.
Kompanııa júrgizýshilerdi azamattyq jaýapkershilik tanytýǵa jáne jol qozǵalysy erejelerin saqtaýǵa shaqyrady.
