Qaraǵandyda jol qozǵalysyn retteıtin zamanaýı júıe engizilýde

ASTANA. QazAqparat - Qaraǵandyda joldardaǵy qaýipsizdikti qamtamasyz etetin qazirgi zamanǵy júıe engizilip jatyr. Ol jaıly qala ákimi Nurlan Áýbákirov Aımaqtyq kommýnıkatsııalar qyzmetinde ótken brıfıng barysynda málimdedi, dep habarlaıdy ákimniń saıty.

Ótken jyly qalamyzda 800 jańa jol belgileri paıda boldy. Bul sharalar oblys ortalyǵyndaǵy jol kólik oqıǵalarynyń sanyn tómendetýge kómektesti. 

«Bıylǵy jyly biz taǵy 1000 jańa jol belgilerin, úsh baǵdarsham jáne bes belsendi jaıaý júrginshiler jolyn ornatýdy josparlap otyrmyz», - dedi Qaraǵandy qalasynyń ákimi. 

Ol sonymen qatar jol kólik oqıǵalarynyń artýy, kólik sanynyń ulǵaıyna baılanysty ekenin atap ótti. Búgingi tańda qalada 179 000 avtomobıl men mototsıkl tirkelgen. 
Joldardaǵy qaýipsizdikti qamtamasyz etý jańa júıesi ınnovatsııalyq sandyq tehnologııalardy, onyń ishinde «Aqyldy baǵdarsham» sekildi qurylǵylardy paıdalanýdy qarastyrady. Bul tehnologııa belgili bir aǵymdaǵy qozǵalys qalyńdyǵyn baqylaýǵa, jáne anaǵurlym kóbirek kólikti ótkizip jiberi úshin jasyl tústi uzaǵyraq etýge múmkindik beredi.

Sonymen qatar, jaǵdaıdyń ári qaraıǵy damýyn boljap, osy mlimetterdi negizge ala otyryp, baǵdarshamdardyń jumysyn retteı alady. Sonymen qatar qala joldarynda beıneni saraptaıtyn jáne jylý baıqaǵysh atqarymdary bar baqylaý kameralary paıda bolady.