Qaraǵandyda jol erejesin buzatyn júrgizýshiler nómirin balshyqtan tazartpaıdy
QARAǴANDY. QazAqparat - Qaraǵandyda jol erejelerin buzatyn júrgizýshiler avtomobılderin jyldamdyq ólsheýishter men vıdeokameralar túsirip almas úshin, ádeıi memlekettik nómirlerdi bylǵaýda, dep habarlaıdy «QazAqparat» HAA tilshisi.
«Quzyrly organdar vıdeobaqylaý kamerasynan kórgende jol erejesin buzǵan júrgizýshilerdi anyqtamas úshin, ádeıi memlekettik tirkeý nómirlerin kirletý arqyly jasyryp júrgen júrgizýshiler bar», - dep habarlady Qaraǵandy oblystyq ishki ister departamenti jergilikti polıtsııa qyzmetiniń baspasóz ortalyǵy.
Jol-patrýldik polıtseıler osyndaı faktilermen jıi kezigetindikten, 21-23 sáýir aralyǵynda «Taza qala - taza nómir» atty profılaktıkalyq aktsııasyn ótkizý týraly sheshim qabyldandy.
«Aktsııanyń basty maqsaty - kórinbeıtin memlekettik tirkeý nómirleri bar kólik quraldaryn tizgindep júrgen júrgizýshilerdi anyqtaý. Qazirgi zańnama memlekettik tirkeý belgileriniń kózge kórinetindeı jáne oqylatyndaı bolýyn talap etedi, sondaı-aq belgilengen memlekettik standartqa sáıkes bolý kerek. Oqylmaıtyn memlekettik nómirleri bar kólikterdi júrgizip júrgen júrgizýshilerge 5 aılyq eseptik kórsetkish kóleminde aıyppul salynady», - dep túsindirdi jergilikti polıtsııa qyzmetiniń baspasóz ortalyǵy.
