Qaraǵandyda jol apatynan júk kóliginiń júrgizýshisi kóz jumdy

QARAǴANDY. QazAqparat - Qaraǵandyda qoqys tasıtyn KAMAZ kóligi men Shacman markaly júk mashınasy soqtyǵysyp qaldy. Jol apatynan júk kóliginiń júrgizýshisi kóz jumdy, dep habarlaıdy QazAqparat tilshisi.

Qaıǵyly oqıǵa keshe keshkisin Qaraǵandy qalasynyń «Taýgúl» shaǵyn aýdanynda oryn aldy.

«Qaraǵandy oblysy polıtsııa departamentiniń Jol qozǵalysy erejelerin qatań saqtaý týraly birneshe ret eskertýine qaramastan, óńirde jol-kólik oqıǵalary jıi oryn alýda. Máselen, 19 shilde kúni Qaraǵandyda saǵat 19.00 shamasynda «Taýgúl» shaǵyn aýdanynda teń maǵynaly joldardyń qıylysynda KAMAZ (qoqys tasýshy) júk kóliginiń 41 jastaǵy júrgizýshisi 23 jastaǵy er adamnyń basqarýyndaǵy Shacman markaly júk kóligimen soqtyǵysqan. Jol-kólik oqıǵasy saldarynan Shacman júrgizýshisi oqıǵa ornynda kóz jumdy», - dep habarlady Qaraǵandy oblysy PD baspasóz qyzmeti.

Atalǵan fakti boıynsha QR QK 345-baby 3-bóligimen sotqa deıingi tergeý bastaldy. Tıisti saraptamalar taǵaıyndaldy. Tergeý amaldary júrgizilip jatyr.