Qaraǵandyda jol apatynan 59 jastaǵy áıel mert boldy

QARAǴANDY. QazAqparat – Búgin tańerteń Qaraǵandy qalasynyń aınalma jolynda júk kóligi men «Nıva» soqtyǵysty. Apat saldarynan 59 jastaǵy áıel mert boldy, dep habarlaıdy QazAqparat tilshisi.

Kólik apaty búgin, 12 qyrkúıekte, tańǵy saǵat 9.30-da Qaraǵandy qalasynyń shyǵys aınalma jolynda, Doskeı jáne Kókpekti kentteri arasynda, JEO janynda boldy. 25 jastaǵy er adamnyń basqarýyndaǵy «Nıva» markaly avtokóligi «Scania» júk kóligimen soqtyǵysqan.

«Atap saldarynan «Nıva» avtokóliginiń júrgizýshisi medıtsınalyq mekemege jetkizildi, osy kóliktiń 59 jastaǵy jolaýshysy oqıǵa ornynda qaıtys boldy. Fakt polıtsııada tirkelip, tıisti saraptamalar taǵaıyndaldy, olardyń nátıjeleri boıynsha protsessýaldyq sheshim qabyldanatyn bolady», - dep habarlady Qaraǵandy oblysy PD baspasóz qyzmeti.

Foto: www.instagram.com/dorogi_karagandy