Qaraǵandyda jol apatynan 17 jasar jasóspirim qaza tapty
QARAǴANDY. QazAqparat – Qaraǵandyda qos kóliktiń soqtyǵysýy saldarynan bir jasóspirm qaza tapty. Taǵy 5 adam túrli dene jaraqatymen aýrýhanaǵa jetkizildi, dep habarlaıdy QazAqparat tilshisi.
Aldyn ala málimetter boıynsha, 30 qazan saǵat 12: 00 shamasynda Qaraǵandy qalasynyń 15 magıstral jáne Metodıcheskaıa kósheleriniń qıylysynda «Gazel» avtokóliginiń 46 jastaǵy júrgizýshisi 15 magıstral boıymen solǵa qaraı Metodıcheskaıa kóshesine burylý kezinde 21 jastaǵy júrgizýshiniń basqarýyndaǵy «VAZ» avtokóligine jol bermegen. Jol-kólik oqıǵasy saldarynan «VAZ» avtokóligindegi 17 jasar jolaýshy oqıǵa ornynda kóz jumǵan. Sondaı-aq «VAZ» avtokóliginiń tórt jolaýshysy men júrgizýshisi aýrýhanaǵa jatqyzyldy.
«Gazel» jáne «VAZ» avtokólikteriniń soqtyǵysýy saldarynan 2002 jyly týǵan jigit kóz jumdy. Apat saldarynan 4 adam bas súıek-mı zaqymdaný dıagnozymen H. J. Maqajanov atyndaǵy kópsalaly klınıkaǵa jatqyzyldy. Zardap shekkenderdiń biri aýyr jaǵdaıda«, - dep habarlady Qaraǵandy oblysy Densaýlyq saqtaý basqarmasynyń baspasóz qyzmeti.
Jol-kólik oqıǵasy boıynsha QR QK 345-baby 3-bóligi boıynsha sotqa deıingi tergeý bastaldy. Tıisti saraptamalar taǵaıyndaldy.
