Qaraǵandyda jol apaty saldarynan jeńil kólik júrgizýshisi qaza boldy
QARAǴANDY. QazAqparat - Qaraǵandy ortalyǵyndaǵy kópirde «Audi» avtokóliginiń ıesi polıtsııanyń qyzmettik kóligimen soqtyǵysqan soń kóz jumdy, dep habarlaıdy QazAqparat tilshisi.
«Qaraǵandy qalasyndaǵy Gogol kóshesiniń boıynda bolǵan jol kólik oqıǵasy boıynsha Qazaqstan Respýblıkasy Qylmystyq Kodeksiniń 345 baby, 3 tarmaǵy boıynsha sotqa deıingi tergeý bastaldy, - dep habarlady Qaraǵandy oblystyq PD baspasóz qyzmeti.
Jol apaty 4 aqpanda boldy. Vedomstvonyń málimdeýinshe, «Audi» avtokóliginiń ıesi kondıterlik fabrıkaǵa qaraı bet alyp bara jatyp, qarsy jolaqqa shyǵyp ketken. Ol «Mersedes-Bents» avtokóligimen soqtyǵysqan soń, «Audi» joldyń basqa shetine ushyp ketip, ótip bara jatqan polıtsııanyń qyzmettik «ÝAZ» markili kóligine soǵylǵan.
Jol apaty saldarynan «Audi» kóliginiń júrgizýshisi aýrýhanaǵa barar jolda kóz jumdy. Al qyzmettik kólik júrgizýshisi aýrýhanaǵa jetkizilgen. Qazirgi tańda sáıkesinshe saraptamalar jasalyp, tergeý jumystary ótkizilýde.
