Qaraǵandyda jol aqysyn tóleýdiń elektrondy júıesi qaıta iske qosyldy
QARAǴANDY. QazAqparat – Qaraǵandy turǵyndary men qala mańyna qatynaıtyn jolaýshylar avtobýstarda jol júrý aqysyn ONAY kólik kartasymen tóleı alady. Elektrondyq júıeniń jumysy qalpyna keltirildi, dep habarlaıdy QazAqparat tilshisi.
Internet baılanysyn turaqtandyrýǵa baılanysty valıdatorlar men «ONAY!» kartalarynyń jumysy jandandy. Jolaýshylar jumys istemeıtin termınaldar nemese jol aqysyn qolma-qol aqshasyz tóleý múmkin bolmaǵan faktileri týraly 42-59-79 jedel jeli telefonyna, sondaı-aq sall-ortalyqqa 50-60-50 nómiri boıynsha habarlaı alady.
Bul rette marshrýttyń, avtobýstyń nómirin, qolaısyzdyqtyń naqty ýaqyty men ornyn kórsetý qajet.
Zeınetkerlerge arnalǵan qaǵaz jol júrý bıletteri jáne áleýmettik jol júrý bıletteri jaramsyz. Ustaýshylar olardy kartalardy tirkeý jáne satý oryndarynda ONAY kólik kartalaryna aıyrbastaı alady.
Sondaı-aq qala mańyndaǵy marshrýttarda saralanǵan tarıf engizilgenge deıin kólik kartalarymen jol júrý tólemi jol júrý qashyqtyǵyna baılanysty qolma- qol aqshamen qosymsha aqy tólenedi, sondaı-aq ekspress-marshrýttarda 6 myń teńgelik jol júrý bıletimen aqy tóleýge bolady.
