Qaraǵandyda jol aqysyn tóleý júıesi jańa qyzmet kórsetýshilerge beriledi
QARAǴANDY. QazAqparat – Qaraǵandy avtoparkteri koreıalyq «Smart Kard» JShS-men kelisimshartty buzady, dep habarlaıdy QazAqparat tilshisi.
Osy kompanııanyń jol aqysyn tóleý kartasyn satyp alǵan qala turǵyndaryna alańdaýdyń qajeti joq. Olarǵa kartanyń jańa qyzmet kórsetýshilerge beredi. Sondaı-aq, qaraǵandylyqtar «Smart Kard» JShS kartasyn toltyrmaýy jáne satyp almaýy kerek.
«2015 jyldan bastap «Smart Kard« koreıalyq kompanııasy Qaraǵandynyń qoǵamdyq kólikterinde jol júrý úshin elektrondyq tólem júıesin engizgen. «Biraq búgingi kúni júıe iske asyrylmady: merzimder birneshe ret buzyldy, kompanııa elektrondy jol aqysyn tóleýdiń sońǵy kúnin belgilemedi. Sonymen qatar, jolaýshylar tarapynan shaǵymdar túsýde: balama tólem ádisi joq, dıspetcherleý ortalyǵy joq, marshrýttardy qadaǵalaý jumysy durys emes jáne t. b.», - dep málimdedi Qaraǵandy qalasynyń jolaýshylar kóligi jáne avtomobıl joldary TKSh bólimi.
Júıeniń engizilýi uzaqqa sozylyp ketkenin, sondaı-aq aıaqtaýdyń merzimi belgisiz bolyp otyrǵanyn eskere kele, qala avtoparkteri 2020 jyldyń 15 jeltoqsanynan bastap sharttardy buzý boıynsha jumysty bastady jáne «Smart Kard» JShS atyna tıisti habarlama jiberdi.
Elektrondyq tólem máseleleri boıynsha qaraǵandylyqtar 42-59-79 nómirine habarlasa alady. Sondaı-aq +7 702 970 3806, +7 708 321 1096 WhatsApp nómirlerine habarlama jiberýge bolady.
