Qaraǵandyda «JılOtdelStroı» JShS basshysy 6 jylǵa sottaldy

QARAǴANDY. QazAqparat – Qaraǵandy qalasynda «JılOtdelStroı» JShS basshysynyń alaıaqtyq jasaý faktisi boıynsha tergeý aıaqtaldy, dep habarlaıdy QazAqparat QR Qarjy monıtorıngi agenttigi baspasóz qyzmetiniń Telegram arnasyna silteme jasap.

QMA Qaraǵandy oblysy boıynsha aýmaqtyq departamenti 2015-2019 jj. Qaraǵandy magıstraldyq jeli fılıaly stantsııalaryndaǵy qorshaý joldarynyń qurylys-montajdaý jumystaryn oryndaý kezinde Qudaıqulov A.B. jumys kólemin asyra baǵalaý arqyly «QTJ» UK» AQ jalpy somasy 57 mln astam teńge kólemindegi qarajatyn jymqyrǵany anyqtaldy.

Júrgizilgen tergeý amaldarynyń arqasynda shyǵynnyń bıýdjetke tolyq kólemde ótelýi qamtamasyz etildi.

Sot úkimimen Qudaıqulov 6 jylǵa (shartty túrde) bas bostandyǵynan aıyrý jazasyna kesildi.