Qaraǵandyda jertólede «bulaq» paıda boldy
«Sýdy tartyp aldyq. Komıssııa tekseris barysynda onyń synamasyn aldy. Nátıjesinde qara sý ekeni anyqtaldy. Biz zerthanalyq taldaýlardyń taǵy bir nátıjesin kútemiz. Sý eshqaıda ketpeı, ornynda tur. Eger bulaq bolsa, aǵyp keter edi», - deıdi Qaraǵandy qalasynyń Turǵyn úı-kommýnaldyq sharýashylyǵy máselelerin úılestirý bóliminiń basshysy Rústem Qojaqapanov.
Belgili bolǵandaı, kópqabatty úıdegi shalshyq sý eki jyl buryn paıda bolǵan. Úıdiń turǵyndary osy ýaqyt aralyǵynda úıdegi sý tartý, káriz jáne jylý júıelerin aýystyrǵan. Alaıda sýdyń paıda bolýynyń túpki sebebi basqada bolyp tur. Turǵyndar bul másele sheshimin tappaǵan jaǵdaıda baspanasyz qalýdan qorqyp otyr. Ýaqyt óte kele úı qulap túsýi múmkin.
«Barlyq saýaldardyń jaýabyn ekinshi márte jasalǵan taldaýdan keıin bere alamyz. Nátıje belgili bolǵannan keıin ǵana bulaqtyń paıda bolýynyń sebepterin ataımyz» , - dedi R. Qojaqapanov
Illıýstratsııalyq foto
