Qaraǵandyda jer úıde bolǵan órt ornynda er adamnyń denesi tabyldy, 19 bas mal joıyldy - QR TJM
ASTANA. 4 aqpan. QazAqparat - Qaraǵandyda jekemenshik turǵyn úıde bolǵan órt ornynda er adamnyń múrdesi tabyldy, 19 bas mal joıyldy, dep habarlady QR TJM-niń baspasóz qyzmetinen.
Búgin saǵat 02:15-te Qaraǵandyda Jańa aýyl eldi mekenindegi №1 jekemenshik turǵyn úıdiń bólek turǵan sharýashylyq nysandary jana bastady.
Jalyn 50 sharshy metr aýmaqqa tarady. Onymen kúres kezinde tulǵasy anyqtalmaǵan er adamnyń máıiti tabyldy, sondaı-aq órt saldarynan 14 iri qara mal, 5 usaq mal qyryldy.
Tilsiz jaýmen kúreske QR TJM Qaraǵandy oblysy boıynsha TJD-niń 7 adamy men 2 tehnıkasy, QR TJM «Apattar medıtsınasy ortalyǵy» MM-niń 3 adamy men 1 tehnıkasy jumyldyryldy.
