Qaraǵandyda jer asty dúmpýiniń kúshi 4 balǵa jetti - TJM
ASTANA. QazAqparat - Qaraǵandyda kúshi 4 ball jer asty dúmpýi sezildi, dep habarlady QR TJM baspasóz qyzmetinen.
Eske sala keteıik, búgin shamamen Astana ýaqyty boıynsha saǵat 12-30-da Qazaqstannyń ortalyǵynda jer silkinisi oryn aldy. Eýropalyq-Jerortateńizi seısmologııalyq ortalyqtyń derekterine súıensek, onyń magnıtýdasy 4,8 baldy quraǵan.
Jer silkinisi Astanadan 206 shaqyrym ońtústik-shyǵysta, Qaraǵandydan 26 shaqyrym ońtústik-bastysta oryn aldy.
«2014 jylǵy 21 maýsymda saǵat 12.30 mınýtta Qaraǵandy oblysynyń aýmaǵynda (kindigi Almaty qalasynan 758 shaqyrym soltústikte) energetıkalyq kúshi K=11.8, tereńdigi 0 shaqyrym, magnıtýdasy 5.8 jer silkinisi boldy», - dep kórsetilgen TJM habarlamasynda.
Zardap shekkender men qıraýlar týraly málimetter joq.
