Qaraǵandyda jeńil ushaq apatqa ushyrap, ekıpaj músheleri kóz jumdy
NUR-SULTAN. QazAqparat - Qaraǵandy aerodromynda shaǵyn avıatsııa sanatyndaǵy ushaq apatqa ushyrady. Bul týraly QR IIDM Azamattyq avıatsııa komıteti málim etti, dep habarlaıdy QazAqparat tilshisi.
«Búgin saǵat 16:25 kezinde oqý-jattyǵý sharalaryn oryndaý kezinde qonýǵa baǵyt alǵan FK14 «Polıarıs» tıpti jeńil avıatsııa ushaǵy apatqa ushyrady. Apat Balapan áýeaılaǵynda (Qaraǵandy) oryn aldy. Aldyn ala málimetterge qaraǵanda, 2 adamnan turatyn ekıpaj qaza boldy», - delingen habarlamada.
Atalǵan avıatsııalyq apat boıynsha QR Indýstrııa jáne ınfraqurylymdyq damý mınıstrliginiń avıatsııalyq oqıǵalardy tergeý boıynsha basqaramasy tekserý sharalaryn bastap ketti.
