Qaraǵandyda jemshóp óndirisin arttyrý joldaryn talqylaǵan respýblıkalyq semınar-keńes ótti
Semınardy Qaraǵandy oblysynyń ákimdigi, Qazaqstan Respýblıkasynyń Aýyl sharýashylyǵy mınıstrligi, «QazAgroInnovatsııa» AQ jáne Qaraǵandy ósimdik sharýashylyǵy jáne selektsııa ǴZI uıymdastyrdy. Keńestiń jumysyna ǵylymı-zertteý ınstıtýttary men joǵary oqý mekemeleriniń kórnekti ǵalymdary, aýdandardyń ákimderi, aýyl sharýashylyǵy qurylymdarynyń basshylary men qyzmetkerleri qatysty.
Bul týraly «QazAgroInnovatsııa» AQ baspasóz qyzmeti habarlady.
Semınar Qaraǵandy oblysynda mal sharýashylyǵy men jemshóp óndirisin damytýdyń qazirgi jaı-kúıi men perspektıvalaryn talqylaý maqsatynda uıymdastyrylǵan. Semınar-keńestiń sheńberinde Qaraǵandy oblysynyń ákimdigi men «QazAgroInnovatsııa» AQ arasyndaǵy Memorandýmǵa qol qoıyldy.
Taraptardyń Qaraǵandy oblysy agrarlyq ónerkásip keshenin ǵylymı jáne ınnovatsııalyq turǵydan damytý salasyndaǵy maqsaty - ǵylymı jetistikter men ozyq agrotehnologııalardy engizý, ınnovatsııalyq jobalardy iske asyrý, eń ozyq tájirıbe men bilimdi taratý esebinen aýyl sharýashylyǵy óndirisin turaqty ósirýge yqpal etý.
Keńestiń qorytyndylary boıynsha mynadaı sheshimder qabyldandy:
- jemshóp, maıly, jarma jáne burshaq tektes aýyl sharýashylyǵyndaǵy eń basym daqyldardyń egistik alqaptarynyń kólemin keńeıtý;
- jemshóp bazasyn turaqtandyrý úshin eń keminde 160 myń ga alqapta budan buryn qurylǵan sýarmaly egistik alqaptardy qaıta qalpyna keltirý;
- naryqty ónimdiligi joǵary otandyq selektsııa tuqymdarymen qamtamasyz etý, sondaı-aq oblystyń aýyl sharýashylyǵy taýaryn óndirýshilerin aýyl sharýashylyǵy daqyldarynyń, onyń ishinde jemshóp daqyldarynyń tuqymdarymen qamtamasyz etý;
- tuqym sharýashylyǵyna arnalǵan tazartý quraldaryn, tuqym sharýashylyǵyna arnalǵan tehnıkalardy memlekettik damytý ınstıtýttarynyń qarajaty esebinen jáne lızıngke satyp alýda agrarlyq ónerkásip kesheni sýbektilerine kómek kórsetý;
- Mal sharýashylyǵy men veterınarııa ǵylymı-ınnovatsııalyq ortalyǵynyń qatysýymen mal sharýashylyǵynda ǵylymı jetistikterdi, sonymen birge, ónimdiligi joǵary aýyl sharýashylyǵy janýarlaryn kóbeıtýdiń bıotehnologııalyq ádisterin engizý;
- Qaraǵandy oblysyndaǵy aýyl sharýashylyǵy taýaryn óndirýshilerdiń suranysyn zerdelep, jemshóp óndirisine jáne mal sharýashylyǵyna arnalǵan, sonymen birge, «QazAgroInnovatsııa» aktsıonerlik qoǵamyna qarasty Qazaq aýyl sharýashylyǵyn mehanıkalandyrý jáne elektrlendirý ǴZI-diń Qostanaı fılıaly ázirlegen mashınalarǵa ótinimder qalyptastyrý;
- Qaraǵandy ósimdik sharýashylyǵy jáne selektsııa ǴZI bazasynda 2014 jyly tuqym sharýashylyǵy, mal sharýashylyǵy jáne jemshóp óndirisi salalaryndaǵy aýyl sharýashylyǵy qurylymdarynyń qyzmetkerlerine jańasha bilim berý boıynsha agrarlyq ónerkásip kesheninde Bilim taratý ortalyǵyn qurý.
Bul sharalar oblysta aýyl sharýashylyǵyn damytýǵa eleýli úles qosa otyryp, jemshóp óndirisin damytýdy jedeldetýge, mal sharýashylyǵynyń ekonomıkalyq turǵydan tıimdiligin arttyrýǵa, birjyldyq jáne kópjyldyq jemshóp daqyldarynyń tuqymdary jetispeýin joıýǵa, sondaı-aq qajetti ınfraqurylymdy damytýǵa múmkindik beredi.