Qaraǵandyda jelidegi shaǵymdardan soń júrgizýshi jaýapqa tartyldy
ASTANA. QazAqparat - Qaraǵandyda Instagram paıdalanýshylarynyń shaǵymdarynan soń jol erejesin buzǵan júrgizýshige ákimshilik is qozǵaldy, dep habarlaıdy QazAqparat Qaraǵandy oblystyq ІІD baspasóz qyzmetine silteme jasap.
ІІD jergilikti polıtsııa qyzmetiniń áleýmettik jelidegi paraqshasyna (mps09region) paıdalanýshylardan Toyota Land Cruiser avtomashınasynyń jol erejesin buzǵany týraly shaǵym kelgen.
Qaraǵandynyń 46 jastaǵy turǵynyna qatysty QR Ákimshilik quqyq buzýshylyq týraly kodeksiniń 597-baby, 2-bóligine («Kólik quraldaryn trotýarda toqtatý nemese toqtap turý qaǵıdalaryn buzý, sondaı-aq kólik quraldaryn gúlzarlarda, balalar nemese sport alańdarynda toqtatý nemese toqtap turý») sáıkes ákimshilik is qozǵaldy. Er adam 10 AEK (24050 teńge) mólsherinde aıyppul tóleýi múmkin.
