Qaraǵandyda jedel járdem kóligi jol boıynda turǵan adamdy qaǵyp ketti
QARAǴANDY. QazAqparat - Qaraǵandyda jedel járdem júrgizýshisi jol boıynda turǵan adamdy qaǵyp ketti. Er adam alǵan jaraqattarynan oqıǵa ornynda kóz jumdy, dep habarlaıdy QazAqparat tilshisi.
10 qarashada jedel járdem kóliginiń 51 jastaǵy júrgizýshisi shaqyrtýǵa bara jatqan kezde jol boıynda turǵan 71 jastaǵy jaıaý júrginshini qaǵyp ketti. Oqıǵa Popov kóshesi men 15 magıstral qıylysynan 30 metr jerde bolǵan.
Jol-kólik oqıǵasy saldarynan zardap shekken adam oqıǵa ornynda kóz jumdy.
«Atalǵan fakti boıynsha QR QK 345-baby 3-bóligi boıynsha qylmystyq is tirkeldi. Tıisti saraptamalar taǵaıyndaldy. Tergeý júrip jatyr», - dep habarlady Qaraǵandy oblysy PD baspasóz qyzmeti.
