Qaraǵandyda jedel járdem dárigeri mektepke «mına qoıyldy» dep habarlaǵan

QARAǴANDY. QazAqparat -  Jeke kásipkerdiń páterine qońyraý shalyp, Qaraǵandynyń Kırov sektoryndaǵy mektepke jarylǵysh zat qoıylǵany týraly habarlaǵan áıel oblystyń jedel járdem stansasy brıgadasynyń dárigeri bolyp shyqty, dep habarlady «QazAqparat» HAA tilshisi.

«Jedel medıtsınalyq kómek stansasy» kommýnaldyq memlekettik mekemesinde on jylǵa jýyq eńbek etip kelgen tájirıbesi mol dárigerdiń bul áreketine áriptesteri túsinbestik tanytty. «Dáriger 60 jasta, kóp jyl eńbek etken. Ol nómirdi shatastyryp alǵan. Sot-medıtsınalyq saraptama bıýrosyna habarlasam dep, jańylyp kásipkerdiń páterine túsken. Bıýroǵa ne úshin qońyraý shalǵanyn bilmeımiz», - dedi stansadan.

Oblystyń ІІD baspasóz qyzmetiniń basshysy Baqytjan Qudııarov habarlaǵandaı, 22-shi shaǵyn aýdandaǵy mektep ǵımaratynda jarylǵysh zat týraly habarlama  polıtsııaǵa  saǵat 10.18-de túsken. «102 telefonyna er adam qońyraý shalyp, onyń úıine statsıonarlyq telefonǵa belgisiz áıel habarlasyp, mektepke jarylǵysh zat qoıyldy dep aıtqanyn jetkizdi. Mektepke jedel qyzmet jetip, odan 900-ge jýyq adamdy evakýatsııalaǵan. Jarylǵysh zat tabylmady, - dep habarlady Baqytjan Qudııarov.

Qazirgi ýaqytta sotaldy tergeý júrip jatyr.