Qaraǵandyda «Jazǵy oqý qalasy» aktsııasy bastalady
QARAǴANDY. QazAqparat - Qaraǵandyda 13 maýsymda N.V. Gogol atyndaǵy oblystyq kitaphananyń jyl saıyn ótetin «Jazǵy Oý qalasy» aktsııasy bastalady. Sharanyń ashylýy 11.00-de kitaphana ǵımaratynyń aldyndaǵy alańda ótedi, dep habarlaıdy QazAqparat tilshisi.
Bul jerde tórt taqyryptyq kitap aımaǵy uıymdastyrylady. Olardyń árqaısysynda klassıkadan bastap qazirgi zamanǵy proza men merzimdi basylymdarǵa deıingi túrli ádebıetter usynylady. Qonaqtar úshin ólketaný jáne kitap vıktorınasy, oıyndar men baıqaýlar ótedi.
«Oqý qalasy» jaz boıy kitaphana aldyndaǵy alańda seısenbi jáne beısenbi kúnderi saǵat 11.00-den 16.00-ge deıin jumys isteıdi. Kóshede qoıylǵan kitaptardy tegin alýǵa bolady, ol úshin oqyrman bıleti bolýy mindetti emes. Sondaı-aq túske deıin ádebı vıktorınalar men zııatkerlik oıyndar ótedi.
Aktsııa barysynda úıden kitap alyp kelip, olardy kitaphanaǵa tapsyrýǵa da bolady.
Qaraǵandyda «Jazǵy Oqý qalasy» aktsııasy 2013 jyldan beri ótkizilip keledi. Jyl saıyn atalmysh shara túrli jastaǵy oqyrmandardy tartady. Tek ótken jyldyń ózinde aktsııa barysynda 800-den astam adam kitaphanaǵa kelip, olarǵa 3000-ǵa jýyq túrli basylymdar berildi.
