Qaraǵandyda jazǵy lagerden eki bala joǵalyp ketti
QARAǴANDY. QazAqparat – Qaraǵandyda joǵalǵan eki qyzdy izdestirýge qalalyq Polıtsııa basqarmasynyń búkil quramy jumyldyryldy, dep habarlaıdy QazAqparat Polisia.kz saıtyna silteme jasap.
3 shilde kúni saǵat 14.40-ta Qaraǵandy qalalyq Polıtsııa basqarmasynyń Jedel basqarý ortalyǵyna ıAzev kóshesindegi jazǵy lagerden 9 jáne 10 jasar eki qyzdyń joǵalyp ketkendigi jóninde habar túsken. Oqıǵa ornan Qaraǵandy Polıtsııa basqarmasynyń búkil quramy dereý attandyrylǵan.
«Polıtseıler anyqtaǵandaı, joǵalǵan qyzdar jazǵy lagerde sýret salý úıirmesine qatysqan. Olardy onda ata-analary saǵat 11.00-de ákelip tastaǵan. Sabaq 13.00-de aıaqtalǵan. Biraq qyzlar lagerde qalǵan, sebebi ata-analary olardy ýaqytyly alyp kete almaǵan.
Úıirme jetekshileri qyzdardy dalaǵa alyp shyǵyp, eshqaıda ketip qalmaýlaryn eskertken. Al ózderi dúkenge barǵan.
Qaıtyp oralǵanda qyzdardy tappaı qalǵan. Aldymen, tárbıeleýshiler men ata-analar balalardy óz betimen izdep tabýǵa tyrysqan. Nátıje bolmaǵannan keıin polıtsııaǵa habarlasqan.
Іzdestirý is-sharasy barysynda polıtsııa qyzmetkerleri jaqyn mańdaǵy barlyq aýdandy aralap shyqty. Keıin Jedel basqarý ortalyǵynyń beınebaqylaý kameralary arqyly qyzdardyń qaı baǵytqa ketkenderin anyqtady. Kóp uzamaı balalar tabylyp, ata-analaryna qaıtaryldy», - delingen polıtsııa aqparatynda.
