Qaraǵandyda jazasyn óteýshiler Naýryz meıramyna oraı salmaǵy 57 keli tort pisirdi
AK-159/5 mekemesinde jazasyn ótep jatqandar «Naýryz» merekesi qarsańynda 57 kılogramm tort pisirdi. Kólemdi táttini pisirýge 150 jumyrtqa, 5 kg qant, 12 lıtr sút, 15 kg un jáne 3 kg maı qajet boldy. Tortty pisirýge 6 saǵat ketti, sonymen qatar ony bezendirýge aspazdar 5 saǵat ýaqyt jumsaǵan eken. Olar tortty jańǵaqtarmen, shokoladpen jáne túrli-tústi aqýyzben bezendirdi.
Torttyń uzyndyǵy men eni 1,40 metrden 0,70 metrge deıin, salmaǵy 57550 gramm boldy. Merkelik tátti syı osy mekemede jazasyn ótep jatqan sottalǵandar arasynda taratyldy.
AK-159/20 sottalǵan mekemesinde taǵy bir erekshe taǵam daıyndady. Qonys kolonııasynda jazasyn ótep jatqan áıelder qamyrǵa 3 metrlik shujyq orap qýyrýdy. Ótken jyly osy mekemeniń sottalýshylary eń úlken baýyrsaq daıyndaǵan bolatyn. Bıyl olar basqa kondıterlik ónim daıyndatýraly sheshim qabyldadyq deıdi.
«Naýryz – bul eń aldymen ár shańyraqtaǵy jylýlyq pen kóktemniń bastalýyn bildiretin otbasylyq mereke. Bul merke qarsańynda biz shujyqty qamyrǵa orap qýyrýdy sheshtik, sebebi bul bizdiń analarymyz tamaq daıyndaǵan kezde úıdegi jaılylyq týraly esteliktermen baılanysty. Pisirý protsesi sátti ótti. Bastapqyda biz qamyrdaǵy osyndaı uzyn shujyqty qalaı qýyratynymyzdy oıladyq. Biz ár shujyqty jipke túırep shyqtyq, sodan keıin ony qamyrmen oradyq. Ol erekshe uzyn bolǵandyqtan, árıne, ony tolyǵymen pisirý múmkin bolmady. Qýyrý úshin qolaıly konteıner bolmaǵandyqtan biz ony 1,5 metrge eki bólikke bólip, birtindep maımen konteınerge qýyrdyq. Basynan aıaǵyna deıin ony barlyq jaǵynan ustap, birkelki qýyrý úshin aýdarý kerek boldy. Alynǵan eki bólikti qamyrmen bir-birine bekitip, ystyq maımen quıyp qýyrdyq. Nátıjesinde bizde uzyndyǵy 3 metr 10 santımetr bolatyn tutas qamyrǵa oralǵan shujyq shyqty», - dedi AK-159/20 mekemesiniń sottalýshysy.
Bul taǵam da osy mekemede jazasyn ótep jatqandardyń merekelik dastarhanyn bezendirdi.
