Qaraǵandyda jaısyz aýa raıynan 20 jol apaty boldy
QARAǴANDY. QazAqparat - Qalyń qar jaýyp, boran soǵyp, kóktaıǵaq bolýyna baılanysty 19 sáýir kúni tańerteńgi 10:40-tan bastap Qaraǵandy oblysynyń barlyq baǵyttarynda kólik qozǵalysy toqtady, dep habarlaıdy QazAqparat tilshisi.
18 sáýir kúni Qaraǵandy oblysynda aýa raıy kúrt ózgerdi. Kóktaıǵaqtyń saldarynan oblys ortalyǵynda bul kúni 26 jol-kólik apaty oryn alǵan. Al búgin tańerteńgi 09.00-den 11.30-ǵa deıingi aralyqta taǵy 20 jol-kólik oqıǵasy bolǵan.
Kommýnaldyq qyzmetter kóshe tazalaý úshin qysqy tehnıkany shyǵarýǵa májbúr boldy. Osylaısha Qazybek bı aýdanynda qalanyń basty jol qıylystary, kósheler men aıaldamalardyń aldyna 32 tonna tuz aralas qum sebildi. Al Oktıabr aýdanynda 54 tekshe metr ballast sebilgen. Sáýirdiń 17-nen 18-ne qaraǵan túni Qaraǵandy joldaryn tazalaýǵa qylshaǵy bar traktorlar shyǵaryldy.
