Qaraǵandyda jaıaý adamdy qaǵyp óltirip, qashyp ketken júrgizýshi ustaldy
QARAǴANDY. QazAqparat - Qaraǵandyda jaıaý júrginshini qaǵyp, oqıǵa ornynan qashyp ketken kólik júrgizýshisi ustaldy, dep habarlaıdy QazAqparat.
9 sáýir kúni saǵat 22.00 shamasynda Qaraǵandy qalalyq polıtsııa basqarmasyna qarasty temirjol polıtsııa bólimine aýmaqqa qarasty dámhana mańynda jol-kólik oqıǵasy bolǵany týraly habarlama tústi.
Oqıǵa ornyna jedel-tergeý toby jiberildi.
Boljam boıynsha, belgisiz júrgizýshi kólik rýline ıe bola almaı qalyp, 44 jastaǵy jaıaý júrginshini qaǵyp ketken.
Jábirlenýshi oqıǵa ornynda kóz jumsa, kólik júrgizýshi ol jerden izin sýytqan.
Jedel izdestirý sharalary barysynda «izin sýytpaı» jol-kólik oqıǵasyn jasaǵan 20 jastaǵy azamat ustaldy.
Ol istegen isin moıyndady. Kúdiktiniń kólik júrgizý kýáliginiń joq ekeni anyqtaldy.
Atalǵan fakti boıynsha Qylmystyq kodekstiń 345-babynyń 3-tarmaǵy jáne 347-baby boıynsha qylmystyq is qozǵaldy.
Tergeý amaldary júrgizilip jatyr.
