Qaraǵandyda jaýyngerdiń qazasy boıynsha qylmystyq is tergelýde
QARAǴANDY. QazAqparat - Qaraǵandydaǵy №5451 áskerı bólimshesi aýmaǵyndaǵy tirkeme men avtokólik arasynda qalyp qoıǵan qatardaǵy jaýynger Tımýr Permetovtyń qazasy qylmystyq is aıasynda tekserilip jatyr, dep habarlaıdy «QazAqparat» HAA tilshisi.
Sotqa deıingi qylmystyq isti ІІM áskerı-tergeý basqarmasy ortalyq óńiriniń qaraǵandylyq bólimshesi júrgizýde.
«Qylmystyq kodekstiń 463-babynda kózdelgen «Mashınalardy júrgizý nemese paıdalaný qaǵıdalaryn buzý» boıynsha qylmystyq is qozǵaldy.
Tekserý ІІM áskerı-tergeý basqarmasy ortalyq óńiriniń qaraǵandylyq bólimshesiniń óndirisinde qaralýda», - dep habarlady Qaraǵandy garnızonynyń áskerı prokýratýrasy.
Eske sala keteıik, 23 tamyzda ІІM Ulttyq gvardııasy áskerı bólimshesiniń qatardaǵy jaýyngeri Qaraǵandydaǵy oqý-jattyǵý kezinde aýyr jaraqat alyp, qaza tapqan bolatyn .
