Qaraǵandyda jataqhana men mektep salatyn ınvestorlar izdestirilip jatyr

QARAǴANDY. QazAqparat – Qaraǵandy oblysynda jataqhanalarda 1 200-ge jýyq oryn jáne mektepterde 2 000-ǵa jýyq oryn jetispeıdi. Bilim jáne ǵylym mınıstrliginiń qarjy ortalyǵy bul máseleni jataqhanany nemese mektepti salǵannan nemese qaıta qurǵannan keıin ınvestıtsııalyq shyǵyndar óteletin jeke qurylys salýshylardy tartý arqyly sheshýdi usynady, dep habarlaıdy QazAqparat tilshisi.

Qarjy ortalyǵynyń jobalaryna qatysý úshin kásipkerler mektep nemese jataqhana salynatyn jer ýchaskesine quqyq belgileıtin qujattarmen birge ótinish berýi ne burynnan bar ǵımaratty rekonstrýktsııalaý jobasyn usynýy qajet.

Bul týraly óńirlik kommýnıkatsııalar qyzmeti platformasynda ótken brıfıngte «Qarjy ortalyǵy» AQ menedjeri Arnaı Smaǵulov málim etti.

«Qarjy ortalyǵymen kelisimshart jasasqannan keıin, qurylys salýshy bir jyl ishinde ǵımarat salýǵa nemese ony qaıta qurýǵa mindetti. Nysan paıdalanýǵa berilgennen keıin memleket onda tapsyrysty ornalastyrady, onyń jyl saıynǵy mólsheri - jataqhana qurylysy kezinde 122 AEK, rekonstrýktsııalaý kezinde – bir stýdentke 47 AEK; mektep salý kezinde – 96 AEK, rekonstrýktsııalaý kezinde – 47 AEK. Sondaı-aq mektepti paıdalanýdyń barlyq kezeńine árbir bilim alýshy úshin operatsııalyq shyǵyndar óteledi. Jalpy memlekettik tapsyrys 8 jyl merzimge jáne tólem aı saıyn jasalady», – dep atap ótti Arnaı Smaǵulov.

Bilim salasyndaǵy memlekettik qoldaýdyń basqa sharalary týraly myna silteme arqyly bilýge bolady.