Qaraǵandyda «jasyryn satyp alýshylar» mekteptegi qyzmet sapasyn tekserip júr

QARAǴANDY. QazAqparat - Qaraǵandy oblysynda jańa oqý jyly qarsańynda «jasyryn satyp alýshylar» mektepterdegi qyzmet sapasyn tekserdi, dep habarlaıdy QazAqparat tilshisi óńirdiń sybaılas jemqorlyqqa qarsy is-qımyl basqarmasyna silteme jasap.

Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qaraǵandy oblysy boıynsha departamentiniń qyzmetkerleri «jasyryn satyp alýshy» retinde bilim mekemelerine baryp, memlekettik qyzmet kóretý salasyndaǵy zańnamanyń saqtalýyn tekserdi.

Keıbir bilim mekemeleri oqýshylardy mektepke alý kezinde ata-analardan mekenjaı anyqtamasy, jumys ornynan anyqtama, sottylyqtyń bolmaýy týraly anyqtama sııaqty zańnamada belgilenbegen qujattardy suraıtyny anyqtaldy.

Jezqazǵannyń zańsyzdyq anyqtalǵan №4 jáne №13 mektepteriniń dırektorlary tártiptik jaýapkershilikke tartyldy.

Vedomstvo ókilderiniń aıtýynsha, mundaı jaǵdaılardyń aldyn alý úshin búkil oblysta arnaıy semınarlar ótkizilip, oqý oryndary basshylarynyń jaýapkershiligi týraly túsindirildi.