Qaraǵandyda jasóspirimderge psıhologııalyq kómek kórsetý ortalyǵy ashylmaq
ASTANA. QazAqparat - Jasóspirimderge psıhologııalyq kómek kórsetý ortalyǵy Qaraǵandyda bıyldan bastap jumys isteı bastaıdy. Ortalyqty ashý jospary týraly Qaraǵandy oblysynyń Bilim basqarmasy basshysy Esenǵazy Imanǵalıev aıtyp berdi, dep habarlaıdy ákimdik saıty.
«Qazirgi tańda respýblıkamyzda «111» jedel qyzmeti jumys isteıdi. Bul bala quqyǵy boıynsha ýákiletti shtab-páter úılestiretin senim telefony. Qaraǵandyda biz sáıkesinshe daıarlyqtan ótken psıhologtar júmys isteıtin ahýaldyq ortalyq ashqymyz keledi. Ol jasóspirimderimizdiń tek respýblıkalyq ortalyqta ǵana emes, sonymen qatar bizde de kómek alýǵa múmkindikteri bolýy úshin kerek», - dep málimdedi ol.
Jasóspirimder arasynda ózine ózi qol jumsadyń aldyn alý baǵdarlamasy sheńberinde mektep psıhologtary men áleýmettik qyzmetkerleriniń biliktiligin arttyrý jáne oqytý maqsattaryna 20 mıllıon teńge bólindi.
Esenǵazy Imanǵalıevtiń aıtýynsha, búgingi tańda aımaǵymyzda 45 bilikti mektep psıhologtary jetispeıdi.
«Bul bizdiń oblys úshin úlken san emes, kadrlardyń tapshylyǵy máselesin sheshýge bolady. Bir psıholog qansha balaǵa jumys isteıtini, mine osy basqa suraq. Sondyqtan biz qazir psıhologtardyń biliktiligin arttyrýǵa basa nazar aýdarýdamyz», - dep atap ótti bilim basqarmasynyń basshysy.
Esterińizge sala keteıik, Qazaqstanda zorlyq-zombylyqtan qatań qarym-qatynastan zardap shekken nemese qıyn ómirlik jaǵdaıǵa tap bolǵan balalar úshin senim telefony uıymdastyrylǵan bolatyn. «111» telefon nómiri boıynsha táýlik boıy aqparat alyp, keńestik, psıhologııalyq, zańdyq kómek alýǵa nemese balanyń quqyǵy buzylǵany týraly habarlama jasaýǵa bolady.
