Qaraǵandyda jasóspirimder arasynda fýtboldan respýblıkalyq týrnır ótip jatyr
ALMATY. 4 qańtar. QazAqparat - Búgin Qaraǵandyda fýtboldan «Jańa jyldyq demalys» dep atalatyn respýblıkalyq týrnır bastaldy.
Jasóspirimder arasyndaǵy bul básekege 6 komanda qatysyp jatyr. Olardyń arasynda Qaraǵandynyń «Shahter» men «Jastar», Astananyń «Astana», Pavlodardyń «Ertis», Temirtaýdyń «Bolat» jáne Saran qalasynyń balalar men jasóspirimder sport mektebiniń aıaqdopshylary bar.
Oleg Kazmırchýk jattyqtyratyn astanalyqtar alǵashqy kezdesýde sarandyq qurdastaryn 10:2 esebimen oısyrata utty. Bul oıynda qarsylastar qaqpasyna Azamat Qabırov pen Jasasyn Qalmahambet qos-qostan, al Álilqaıyr Amanbek jáne aǵaıyndy Edık pen Rýdolf Voronsbeherler bir-birden dop soqty. Endi kelesi oıyndaryn olar erteń jarys qojaıyndarynyń «Jastar» komandasymen ótkizedi.
