Qaraǵandyda jasóspirim toǵyzynshy qabattan sekirip ketti
QARAǴANDY. QazAqparat – Qaraǵandyda 13 jasar jasóspirim toǵyzynshy qabattan sekirip ketti. Alǵan jaraqattarynan ol oqıǵa ornynda kóz jumdy, dep habarlaıdy QazAqparat tilshisi.
Áleýmettik jelilerde turǵyn úıdiń aýlasynda jasóspirimniń denesi jatqan vıdeo paıda boldy . Beınede polıtsııa qyzmetkerleri jylap jatqan áıeldi ustap, jubatýda. Belgili bolǵandaı, 13 jastaǵy jasóspirim 9 qabatty úıdiń tóbesinen sekirgen. Ázirge qaıǵyly oqıǵanyń sebebi belgisiz.
«Aǵymdaǵy jyldyń 22 qarashasynda Qaraǵandy qalasynyń Karbyshev kóshesinde bıikten qulap ketken 13 jastaǵy jasóspirimniń máıiti tabyldy. Jábirlenýshi 9 qabatty úıdiń tóbesinen sekirgeni anyqtaldy. Atalǵan fakti boıynsha QR QK 105-baby 3-bóligi boıynsha qylmystyq is tirkeldi. Tergeý júrip jatyr»,-dep habarlady Qaraǵandy oblysy PD baspasóz qyzmeti.
