Qaraǵandyda jasóspirim sýǵa batyp ketti

QARAǴANDY. QazAqparat - Búgin Qaraǵandydaǵy kóldiń birinde 17 jastaǵy jasóspirim sýǵa batyp ketti. Qutqarýshylar onyń denesin eki saǵattan soń sýdan alyp shyqty, dep habarlaıdy QazAqparat tilshisi.

27 mamyrda saǵat 17: 45-te Qaraǵandy qalasynyń ońtústik-shyǵys pen Kógildir toǵandar shaǵyn aýdanynyń arasyndaǵy sý aıdynynda 17 jasar bala batyp ketti. Qaraǵandy oblysy TJD Sýda qutqarý qyzmetiniń mamandary onyń denesin eki saǵattan keıin taýyp, sýdan shyǵardy.

Qutqarýshylar sýdaǵy qaýipsizdik erejesin saqtaýǵa shaqyrady.

Olardyń aıtýynsha, jabdyqtalmaǵan jerlerde shomylýǵa, mas kúıde shomylýǵa, qaıyqtan, aılaqtardan, sondaı-aq osy maqsattarǵa beıimdelmegen qurylystardan sýǵa sekirýge, júzý shekarasynyń belgisinen ary qaraý júzýge tyıym salynady.

Sondaı-aq arnalmaǵan zattarmen júzýge, sý qoımasyn lastaýǵa, demalýshylarǵa jaraqat salýy múmkin qoqystardy jaǵalaýda jáne sheshiný bólmelerinde qaldyrýǵa, ótirik kómekke shaqyrýǵa, t ehnıkalyq jabdyqtarǵa jáne eskertý belgisine shyǵýǵa, úlkenderdiń baqylaýynsyz balalardyń shomylýyna bolmaıdy.