Qaraǵandyda jas jol qozǵalysy ınspektorlarynyń sleti ótip jatyr
QARAǴANDY. QazAqparat - Qazaqstannyń barlyq oblystarynan jáne Reseı, Qyrǵyzstan, Belarýs elderinen jınalǵan komandalar 19-shy jas jol qozǵalysy ınspektorlarynyń sletyna qatysýda. Bul týraly oblystyq Polıtsııa departamentine silteme jasap Qaraǵandy oblysy ákimdiginiń baspasóz qyzmeti habarlady.
Baspasóz málimetterine qaraǵanda, sharaǵa qatysýshylar «Retteýshi», «Saptyq baıqaý», «Jol júrý erejelerin bilý», «Agıtbrıgada» sııaqty birneshe týr boıynsha ózara baq synasady. Sonymen qatar respýblıkalyq baıqaýǵa balalardy alyp kelgen polıtsııa qyzmetkerleri «Jol júrý erejesin bilý», «Alǵashqy medıtsınalyq kómek kórsetý», «Úzdik nasıhattaýshy» baıqaýlary boıynsha baq synassa, ustazdar qaýymy «Ashyq úzilis» baıqaýy boıynsha saıysqa túsedi.
Slet baǵdarlamasy boıynsha ustazdarmen polıtsııa qyzmetkerlerine birneshe trenıngtermen oqý semınarlary ótkiziledi. Sonymen qatar barlyq qatysýshylarǵa qalanyń kórikti jerlerimen qosa, Karlag, Temirtaý qalasyndaǵy Tuńǵysh Prezıden murajaılaryna saıahat jasalady.
Respýblıkalyq Slet QR Іshki ister mınıstrligi B.Beısenov atyndaǵy Qaraǵandy akademııasynda 25-shi tamyzǵa deıingi aralyqta ótedi.
