Qaraǵandyda jas jigit temir garajdy ishindegi mototsıklimen qosa urlap ketken
QARAǴANDY. QazAqparat - Qaraǵandy oblysynda temir garajdy ishindegi mototsıklimen qosa urlaǵan kúdikti ustaldy, dep habarlaıdy QazAqparat.
27 qańtar kúni Qaraǵandy oblysy Abaı aýdandyq polıtsııa basqarmasynyń kezekshi bólimine 72 jastaǵy qala turǵyny habarlasyp, belgisiz bireý ózine tıesili temir garaj ben ishindegi mottsıklin urlap ketkenin aıtyp aryzdanǵan.
Jábirlenýshige kelgen shyǵyn kólemi - 315 myń teńge.
Atalǵan faktige qatysty Qazaqstan Respýblıkasy Qylmystyq kodeksiniń 188 babyna sáıkes qylmystyq is qozǵaldy.
20 aqpan kúni krımınaldyq polıtsııa qyzmetkerlerimen júrgizilgen jedel izdestirý is-sharalary barysynda osy iske qatysy bar degen kúdikpen 21 jastaǵy azamat ustaldy.
Ol istegen isin moıyndap, aıǵaq zattar tárkilendi.
Tergeý amaldary júrgizilip jatyr.
