Qaraǵandyda jas jigit eki stýdentti pyshaqtady
QARAǴANDY. QazAqparat - 17 jastaǵy jigit eki stýdentti pyshaqtady. Qazir polıtsııa janjaldyń sebebin anyqtap jatyr, dep habarlaıdy QazAqparat tilshisi.
22 qazanda Qaraǵandyda saǵat 02.40 shamasynda E. Bóketov atyndaǵy Qaraǵandy ýnıversıtetiniń jataqhanasynan aýrýhanaǵa pyshaqtalǵan 17 jáne 18 jastaǵy eki stýdent jetkizilgen.
«Atalǵan fakti boıynsha sotqa deıingi tergeý bastaldy. Oqıǵa ornynda 17 jastaǵy kúdikti ustaldy. Ol zardap shekkenderge ashýlanyp, pyshaq jaraqatyn salǵanyn moıyndady. Qazirgi ýaqytta oqıǵanyń mán-jaıy anyqtalyp jatyr. Qylmystyq is júrgizý kodeksiniń 201 - babyna sáıkes ózge aqparat jarııa etilmeıdi», - dep habarlady Qaraǵandy oblysy PD baspasóz qyzmeti.
