Qaraǵandyda jas kelinshekti eki balasymen birge kólik qaǵyp ketti
QARAǴANDY. QazAqparat - Qaraǵandyda 24 jastaǵy áıeldi eki balasymen birge kólik qaǵyp ketti. Úsheýiniń de jaǵdaıy aýyr, dep habarlaıdy QazAqparat tilshisi.
Qaıǵyly oqıǵa búgin tańǵy saǵat 08:50-de Qaraǵandyda 14-shaǵynaýdanyndaǵy avtostantsııa mańynda boldy.
«Audi» avtokóliginiń 27 jastaǵy júrgizýshisi avtostantsııaǵa qaraı júrip kele jatyp, joldy belgilenbegen jerden ótpek bolǵan jaıaý júrginshilerdi – anasy men eki balany qaǵyp ketti.
Jol-kólik oqıǵasy saldarynan 24 jastaǵy áıel men onyń 3 jáne 5 jasar balalary medıtsınalyq mekemege jetkizildi«, - dep habarlady Qaraǵandy oblysy Polıtsııa departamentiniń baspasóz qyzmetinen.
Dárigerlerdiń aıtýynsha, ana men bir balasynyń jaǵdaıy aýyr.
»Bir bala men áıel №1 kópbeıindi aýrýhanaǵa, óte aýyr jáne aýyr jaǵdaıda reanımatsııaǵa jatqyzyldy. Ekinshi bala Maqajanov klınıkasynda tekserilip, oblystyq balalar klınıkalyq aýrýhanasyna jiberildi. Jaǵdaıy ortasha«, - dep málimdedi oblystyq densaýlyq saqtaý basqarmasynyń baspasóz qyzmetinen.
Atalǵan fakti polıtsııada tirkelip, tıisti saraptamalar taǵaıyndaldy. Olardyń nátıjeleri boıynsha protsessýaldyq sheshim qabyldanatyn bolady.
