Qaraǵandyda jas kásipkerler mektebi ashyldy
QARAǴANDY. qazAqparat - Jas qaraǵandylyqtar tegin túrde bıznes negizderin oqýǵa múmkindik aldy. Bul týraly QazAqparat ákimdiktiń saıtyna silteme jasap habarlaıdy.
Bul maqsatta «Jas kásipker mektebi» jobasy iske qosyldy.
Ony aımaqtyq Kásipkerler palatasy «Bıznestiń jol kartasy-2020» baǵdarlamasy boıynsha júzege asyrýda.
Bul mektepte 18-29 jas aralyǵyndaǵy jastar dárister tyńdaı alady.
35 adamnan quralǵan birinshi top 17-shi qazannan bastap oqýǵa kiristi. Dárister Qaraǵandy mashına qurastyrý kolledjiniń bazasynda ótkiziledi. Sabaqtardy bıznes-trener Muratbek Muqataev júrgizedi. Oqytý barysynda tyńdaýshylarǵa bıznes qurý kezinde qandaı zańnamalyq, ekonomıkalyq jáne áleýmettik máselelermen kezdesetinderi týraly aıtylady.
Stýdentter qazirdiń ózinde JK, JShS, sharýa qojalyǵyn ashý protsedýralary týraly aqparat aldy. Keleshekte olarǵa sonymen qatar saýatty túrde bıznes-jospar qurýdy úıretip, marketıng pen menedjment týraly aıtyp beredi.
«Bıznes-jospardy sátti qorǵaý shartyn jaqsy oryndaǵan Jas kásipker mektebiniń tyńdarmany oqýdyń sońynda sertıfıkat alatyn bolady. Bul qujat «Bıznestiń jol kartasy-2020» memlekettik baǵdarlamasy sheńberinde granttyq qarjylandyrý baıqaýyna qatysýǵa quqyq beredi. ıAǵnı, jobanyń árbir qatysýshysy óziniń áleýetin joǵarylatýǵa múmkindik alady. Kásipkerlikke degen qyzyǵýshylyq qazirgi kezde jastar arasynda óte joǵary. Bizdiń mindetimiz - jastarǵa kómek kórsetý», - dedi Muratbek Muqataev.
