Qaraǵandyda «Jas kásipker mektebiniń» qorytyndysy shyǵaryldy
QARAǴANDY. QazAqparat - Qaraǵandyda «Jas kásipker mektebiniń» qorytyndysy jasaldy. Joba bıylǵy jyldyń 3 jeltoqsanynda bastaldy. Osy ýaqyt aralyǵynda «Atameken» Ulttyq kásipkerler palatasynda 65 adam oqýdan ótti, dep habarlaıdy QazAqparat tilshisi.
Qatysýshylarǵa bıznesti júrgizýdiń zańdy, ekonomıkalyq jáne áleýmettik aspektileri týraly aıtyp berdi. Sondaı-aq marketıng, menedjment negizderi boıynsha sabaq berildi, bıznes-jospar jasaýǵa úıretti.
Ár oqýshy óziniń bıznes-jobasyn ázirledi. «Bıznes-ıdeıalar jármeńkesi» baıqaýynyń 12 úzdigi iriktep alyndy. Olardyń qatarynda kitap kafesiniń, balalar kafesiniń, durys tamaqtaný ortalyǵynyń jobasy, zııatkerlik ortalyq qurý, jabyq fýtbol manejiniń qurylysy, mobıldik qosymshalar jáne t. b. bar.
Ideıa avtorlary Qaraǵandy oblysynyń kásipkerler palatasynyń mamandary, óńirdiń tabysty bıznesmenderi, memlekettik organdar men «Damý» qorynyń ókilderi kirgen qabyldaý komıssııasynyń múshelerine óz startaptarynyń paıdalylyǵyn dáleldedi.
Baıqaý qorytyndysy boıynsha komıssııa tórt úzdik jobany tańdady. Andromed Baızyken jáne Sabına Bolat balalar sulýlyq salony jobasymen birinshi orynǵa ıe boldy. Ekinshi oryndy Hımııalyq tazalaý ashqysy keletin Aıbıbi Tóleýova ıelendi. Úshinshi oryndy Kamıla Álıasqarova jabyq fýtbol manejin salý ıdeıasymen jáne Artem Vıshnevskıı, Kırıll Prıamonosov, Mustafa Táńirbergen, Ádil Qanatbekov tolyǵatyn shıkizattardan qaǵaz ónimderin óndirý jobasymen bólisti.
Barlyq jobalar keıinnen memlekettik baǵdarlamalar sheńberinde granttar men basqa da qarjy qarajatyn alý úshin usynylatyn bolady. Qalǵan qatysýshylarǵa arnaıy nomınatsııalar boıynsha marapattar tabys etildi.
