Qaraǵandyda jaryq baǵanasyna baılanǵan qyz qaıyr suraǵan
QARAǴANDY. QazAqparat - Qaraǵandyda elektr jaryǵynyń baǵanasyna baılanǵan tórt jasar qyz qaıyr suraǵan, dep jazdy «QazAqparat» HAA tilshisi.
Áleýmettik jeliden onyń fotosýretin kórgen polıtseıler jedel tapty.
«Qaraǵandy ІІB ıývenaldy polıtsııa qyzmetkerleri «Shyǵys», «Altyn Arba», «Samal» jáne eki saýda úıine reıd júrgizdi. Reıdtik shara kezinde kámelettik jasqa tolmaǵan, jol boıynda qaıyr surap júrgen tórt bala tabyldy. Balalar ortalyq polıtsııa bólimine jetkizildi. Olardyń eń úlkeni 11 jasta bolsa, ózgeleri 6 jáne 4 jasar qyzdar men 5 jasar ul», - dedi Qaraǵandy oblysy ІІD baspasóz qyzmetiniń jetekshisi Baqytjan Qudııarov.
"Mán-jaıdy anyqtaǵanda, qyzdardyń úlkeni 4 sáýir kúni bazar mańynda qaıyr suraǵandaryn, analary sýpermarketke kirgende, ózderiniń qashyp ketkenderin túsindirdi. Kishi qyz arqan taýyp alyp, ózin baǵanaǵa baılap qoıýdy suraǵan. Sol ýaqytta túri eýropalyqqa uqsaıtyn er adam olardy fotoǵa túsirýge ruqsat suraǵan. Qyzdar ruqsat etpegen. Biraq, er adam 50 teńge bergen soń, kelisim bergen».
Qazirgi ýaqytta balalar Temirtaýdaǵy kámelet jasqa tolmaǵandardyń beıimdelý ortalyǵynda.
